Mzungu, mzungu!

Det ropast frå alle kantar der me ferdast.  Boda-bodasjåførane, små born og selgarar, alle vil ha tak i oss der me traskar langs støvete vegar i Kampala.  Mzungu? Ordet kjem frå Swahili og tydar opprinneleg "person roaming around aimlessly" ifølge Wikipedia.  Dette ordet brukast for kvit person, og me kjenner oss eigentleg nokså trufne.

Me er fire medisinstudentar frå Bergen som skal vandre meir eller mindre fortapt rundt i Uganda heilt fram til adventstida.  African time er no den nye standarden, difor kjem og fyrste innlegg akkurat passe seint.